حلال و حرام

[حقيقت]

السلام علیکم،

ایک سوال تھا مہربانی کرکے سمجھادیں۔

اللہ قران میں کہتا ہے کہ اے نبی تم اس چیز کو کیسے حرام کر رہے ہو جسے اللہ نے حلال کیا ہے (مفہوم ہے غالبا ایت صورت تحریم کی ہے)

دوسری طرف آپ صلی اللہ علیہ وسلم کا ارشاد ہےکہ گھریلو گدھا بھی حرام ہے (مفہوم حدیث)

براے مہربانی دلیل کے ساتھ جواب دیں۔

حقیقت

[بشیراحمدعسکری]

والسلام علیکم ورحمۃ اللہ وبرکاتہ
یہ بات قرآنی مجید کی نصوص سے ثابت ہے کہ حدیث اللہ تعالی کی طرف سے وحی ہے
حجیت حدیث کے متعلق اس کتاب سے استفادہ فرمائیں
لہذا حدیث میں جن اشیاء کو حرام قرار دیا گیا ہے وہ بھی ایسی ہی حرام سمجھی جائیں گی جیسے قرآن مجید کی حرام کردہ اشیاء
اس چیز کو خود قرآن مجید نے ان آیات میں واضح فرمایا ہے :
پہلی آیت
الَّذِينَ يَتَّبِعُونَ الرَّسُولَ النَّبِيَّ الْأُمِّيَّ الَّذِي يَجِدُونَهُ مَكْتُوبًا عِنْدَهُمْ فِي التَّوْرَاةِ وَالْإِنْجِيلِ يَأْمُرُهُمْ بِالْمَعْرُوفِ وَيَنْهَاهُمْ عَنِ الْمُنْكَرِ وَيُحِلُّ لَهُمُ الطَّيِّبَاتِ وَيُحَرِّمُ عَلَيْهِمُ الْخَبَائِثَ وَيَضَعُ عَنْهُمْ إِصْرَهُمْ وَالْأَغْلَالَ الَّتِي كَانَتْ عَلَيْهِمْ } [الأعراف:157[
ترجمہ :
پس آج یہ رحمت اُن لوگوں کا حصہ ہے) جو اِس پیغمبر، نبی امی کی پیروی اختیار کریں جس کا ذکر اُنہیں اپنے ہاں تورات اور انجیل میں لکھا ہوا ملتا ہے وہ انہیں نیکی کا حکم دیتا ہے، بدی سے روکتا ہے، ان کے لیے پاک چیزیں حلال او ر ناپاک چیزیں حرام کرتا ہے، اور ان پر سے وہ بوجھ اتارتا ہے جو اُن پر لدے ہوئے تھے اور وہ بندشیں کھولتا ہے جن میں وہ جکڑے ہوئے تھے لہٰذا جو لوگ اس پر ایمان لائیں اور اس کی حمایت اور نصرت کریں اور اُس روشنی کی پیروی اختیار کریں جو اس کے ساتھ نازل کی گئی ہے، وہی فلاح پانے والے ہیں
دوسری آیت :
قَاتِلُوا الَّذِیْنَ لاَ یُؤْمِنُوْنَ بِاللّٰہِ وَلاَ بِالْیَوْمِ الْاٰخِرِ وَلاَ یُحَرِّمُوْنَ مَا حَرَّمَ اللّٰہُ وَرَسُوْلُہ، وَلاَ یَدِیْنُوْنَ دِیْنَ الْحَقِّ مِنَ الَّذِیْنَ اُوْتُوا الْکِتٰبَ حَتّٰی یُعْطُوا الْجِزْیَۃَ عَنْ یَّدٍ وَّھُمْ صٰغِرُوْنَ. (التوبہ : 29)
ترجمہ : جنگ کرو اہل کتاب میں سے اُن لوگوں کے خلاف جو اللہ اور روز آخر پر ایمان نہیں لاتے اور جو کچھ اللہ اور اس کے رسول نے حرام قرار دیا ہے اسے حرام نہیں کرتے اور دین حق کو اپنا دین نہیں بناتے (ان سے لڑو) یہاں تک کہ وہ اپنے ہاتھ سے جزیہ دیں اور چھوٹے بن کر رہیں۔
ان آیاتسے یہی بات ثابت ہوئی کہ رسول اکرم کی طرف سے بیان کردہ حرمت بالکل ایسی ہی جیسے قرآن مجید میں بیان کردہ حرمت ۔
سوال میں بیان کردہ آیت اور حدیث میں تضاد اس وقت ہوتا جب کہیں قرآن مجید میں گھریلو گدھے کو حلال کہا گیا ہو
اور حدیث میں حرام قرار دیا ہو پھر تو تضاد ثابت ہوجاتا
جبکہ قرآن مجید میں کہیں بھی گھریلو گدھے کی حرمت مذکور نہیں جبکہ حدیث میں اس کی حرمت بیان کی گئی ہے لہذا یہاں تضاد کی کوئی صورت نہیں پائی جاتی ۔